1- LE STOTRAM

ghuśyate yasya nagare
ranga-yātrā dine-dine |
tamaham śirasā vande
rājānām kulaśekharaṁ ||

śrī-vallabheti vara-deti dayā-pareti
bhakta-priyeti bhava-luṇṭhana-kovideti |
nātheti nāga-śayaneti jagan-nivāsety
ālāpanaḿ prati-dinaṁ kuru me mukunda || 1 ||

jayatu jayatu devo devakī-nandano ‘yaṁ
jayatu jayatu kṛṣṇo vṛṣṇi-vaṁśa-pradīpaḥ |
jayatu jayatu megha-śyāmalaḥ komalāńgo
jayatu jayatu pṛthvī-bhāra-nāśo mukundaḥ || 2 ||

mukunda mūrdhnā praṇipatya yāce
bhavantaṁ ekāntaṁ iyantam arthaṁ |
avismṛtis tvac-caraṇāravinde
bhave bhave me ‘stu bhavat-prasādāt || 3 ||

nāhaḿ vande tava caraṇayor dvandvam advandva-hetoḥ
kumbhīpākaṁ gurum api hare nārakaṁ nāpanetuṁ |
ramyā-rāmā-mṛdu-tanu-latā nandane nāpi rantuṁ
bhāve bhāve hṛdaya-bhavane bhāvayeyaṁ bhavantaṁ || 4 ||

nāsthā dharme na vasu-nicaye naiva kāmopabhoge
yad yad bhāvyaṁ tad bhavatu bhagavan pūrva-karmānurūpaṁ |
etat prārthyaṁ mama bahu mataṁ janma-janmāntare ‘pi
tvat-pādāmbhoruha-yuga-gatā niścalā bhaktir astu || 5 ||

divi vā bhuvi vā mamāstu vāso
narake vā narakāntaka prakāmaṁ |
avadhīrita-śāradāravindau
caraṇau te maraṇe’pi cintayāmi || 6 ||

kṛṣṇa tvadīya-pada-pańkaja-pañjarāntam
adyaiva me viśatu mānasa-rāja-haṁsaḥ |
prāṇa-prayāṇa-samaye kapha-vāta-pittaiḥ
kaṇṭhāvarodhana-vidhau smaraṇaṁ kutas te || 7 ||

cintayāmi hariṁ eva santataṁ
manda manda hāsitānanāmbujam |
nanda-gopa-tanayaṁ parāt param
nāradādi-muni-vṛnda-vanditam || 8 ||

kara-caraṇa-saroje kāntiman-netra-mīne
śrama-muṣi bhuja-vīci-vyākule ‘gādha-mārge |
hari-sarasi vigāhyāpīya tejo-jalaughaḿ
bhava-maru-parikhinnaḥ khedamadya tyajāmi || 9 ||

sarasija-nayane saśaṅkha-cakre
murabhidi mā viramasva citta rantum |
sukhataram aparaṁ na jātu jāne
hari-caraṇa-smaraṇāmṛtena tulyam || 10 ||

mābhīr manda-mano vicintya bahudhā yamīś ciraṁ yātanāḥ
naivāmī prabhavanti pāpa-ripavaḥ svāmī nanu śrīdharaḥ |
ālasyaṁ vyapanīya bhakti-sulabhaṁ dhyāyasva nārāyaṇam
lokasya vyasanāpanodana-karo dāsasya kiṁ na kṣamaḥ || 11 ||

bhava-jaladhi-gatānāṁ dvandva-vātāhatānāṁ
suta-duhitṛ-kalatra-trāṇa-bhārārditānām |
viṣama-viṣaya-toye majjatām āplavānāṁ
bhavatu śaraṇam eko viṣṇu-poto narāṇām || 12 ||

bhava-jaladhim agādhaṁ dustaraṁ nistareyaṁ
katham aham iti ceto mā sma gāḥ kātaratvam |
sarasija-dṛśi deve tāvakī bhaktir ekā
naraka-bhidi niṣaṇṇā tārayiṣyaty avaśyam || 13 ||

tṛṣṇā-toye madana-pavanoddhūta-mohormi-māle
dārāvarte tanaya-sahaja-grāha-saṅghākule ca |
saṁsārākhye mahati jaladhau majjatāṁ nas tri-dhāman
pādāmbhoje varada bhavato bhakti-nāvaṁ prayaccha || 14 ||

mā drākṣaṁ kṣīṇa-puṇyān kṣaṇam api bhavato bhakti-hīnān padābje
mā śrauṣaṁ śrāvya-bandhaṁ tava caritam apāsyānyad-ākhyāna-jātam |
mā smārṣaṁ mādhava tvām api bhuvana-pate cetasāpahnuvānān
mā bhūvaṁ tvat-saparyā-vyatikara-rahito janma-janmāntare’pi || 15 ||

jihve kīrtaya keśavaṁ mura-ripuṁ ceto bhaja śrīdharam
pāṇi-dvandva-samarcayācyuta-kathāḥ śrotra-dvaya tvaṁ śṛṇu |
kṛṣṇaṁ lokaya locana-dvaya harer gacchāṅghri-yugmālayam
jighra ghrāṇa mukunda-pada-tulasīṁ mūrdhan namādhokṣajam || 16 ||

he lokāḥ śrīnuta prasuti-marana-vyadhes cikitsaṁ imam
yoga-jñaḥ samudaharanti munayo yaṁ yajñavalkyadayah |
antar-jyotir ameyaṁ ekam amṛtaṁ kṛṣṇākhyam āpīyatām
tat pitaṁ paramauṣadhaṁ vitanute nirvanam atyantikam || 17 ||

he martyāḥ paramaṁ hitaṁ śrīnuta vo vakṣyami saṅkṣepataḥ
saṁsārarnavam apad-urmi-bahulaṁ samyak pravisya sthitaḥ |
nana-jñanam apasya cetasi namo nārāyaṇayety amum
mantraṁ sa-pranavaṁ pranāma-sahitaṁ pravartayadhvaṁ muhuḥ || 18 ||

pṛthvī-reṇur aṇuḥ payāṁsi kaṇikāḥ phalguḥ sphuliṅgo laghuḥ
tejo niḥśvasanaṁ marut tanutaraṁ randhraṁ su-sūkṣmaṁ nabhaḥ |
kṣudrā rudra-pitāmaha-prabhṛtayaḥ kiṭāḥ samastāḥ surāḥ
dṛṣṭe yatra sa tāvako vijayate bhūma-avadhūtāvadhiḥ || 19 ||

baddhenāñjalinā natena śirasā gātraiḥ sa-romodgamaiḥ
kaṇṭhena svara-gadgadena nayanenodgīrṇa-bāṣpāmbunā |
nityaṁ tvac-caraṇāravinda-yugala-dhyānāmṛtāsvādinām
asmākaṁ sarasīruhākṣa satataṁ sampadyatāṁ jīvitam || 20 ||

he gopālaka he kṛpā-jalanidhe he sindhu-kanyā-pate
he kaṁsāntaka he gajendra-karuṇā-pārīṇa he mādhava |
he rāmānuja he jagat-traya-guro he puṇḍarīkākṣa māṁ
he gopījana-nātha pālaya paraṁ jānāmi na tvāṁ vinā || 21 ||

bhaktāpāya-bhujaṅga-gāruḍa-maṇis trailokya-rakṣā-maṇiḥ
gopī-locana-cāṭakāmbuda-maṇiḥ saundarya-mudrā-maṇiḥ |
yaḥ kānta-maṇi-rukmiṇī-ghana-kuca-dvandvaika-bhūṣā-maṇiḥ
śreyo deva-śikhā-maṇir diśatu no gopāla-cūḍā-maṇiḥ || 22 ||

śatru-cchedaika-mantraṁ sakalaṁ upaniṣad-vākya-sampūjya-mantraṁ
saṁsārottāra-mantraṁ samupacita-tamasaḥ saṅgha-niryāṇa-mantram |
sarvaiśvaryaika-mantraṁ vyasana-bhujaga-sandaṣṭa-santrāṇa-mantraṁ
jihve śrī-kṛṣṇa-mantraṁ japa japa satataṁ janma-sāphalya-mantram || 23 ||

vyāmoha-praśamauṣadhaṁ muni-mano-vṛtti-pravṛtty-auṣadhaṁ
daityendrārti-karauṣadhaṁ tri-bhuvane sañjīvanaikauṣadham |
bhaktātyanta-hitauṣadhaṁ bhava-bhaya-pradhvamsanaikauṣadhaṁ
śreyaḥ-prāpti-karauṣadhaṁ piba manaḥ śrī-kṛṣṇa-divyauṣadham || 24 ||

āmnāyābhyasanāny araṇya-ruditaṁ veda-vratāny anv-aham
medas-cheda-phalāni pūrta-vidhayaḥ sarve hutaṁ bhasmani |
tīrthānām avagāhanāni ca gaja-snānaṁ vinā yat-padadvandvāmbhoruha-
saṁsmṛtiṁ vijayate devaḥ sa nārāyaṇah || 25 ||

śrīman-nāma procya nārāyaṇākhyaṁ
ke na prāpur vāñchitaṁ pāpino’pi |
hā naḥ pūrvaṁ vāk-pravṛttā na tasmin
tena prāptaṁ garbha-vāsādi-duḥkham || 26 ||

maj-janmanaḥ phalaṁ idaṁ madhu-kaitabhāre
mat-prārthanīya-mad-anugraha eṣa eva |
tvad-bhṛtya-bhṛtya-paricāraka-bhṛtya-bhṛtyabhṛtyasya
bhṛtya iti māṁ smara loka-nātha || 27 ||

nāthe naḥ puruṣottame tri-jagatām ekādhipe cetasā
sevye svasya padasya dātari sure nārāyaṇe tiṣṭhati |
yaṁ kañcit puruṣādhamaṁ katipaya-grāmeśam alpārtha-daṁ
sevāyai mṛgayāmahe naram aho mūkā varākā vayam || 28 ||

madana parihara sthitiṁ madīye
manasi mukunda-padāravinda-dhāmni |
hara-nayana-kṛśānunā kṛśo’si
smarasi na cakra-parākramaṁ murāreḥ || 29 ||

tattvaṁ bruvāṇāni paraṁ parasmāt
madhu kṣarantīva sataṁ phalāni |
pravartaya prāñjalir asmi jihve
nāmāni nārāyaṇa-gocarāṇi || 30 ||

idaṁ śarīraṁ pariṇāma-peśalaṁ
pataty avaśyaṁ śata-sandhi-jarjaraṁ |
kim auṣadhaṁ pṛcchasi mūḍha durmate
nirāmayaṁ kṛṣṇa-rasāyaṇaṁ piba || 31 ||

dārāvārākara-vara-sutā te tanūjo viriñciḥ
stotā vedas tava sura-gaṇā bhṛtya-vargaḥ prasādaḥ |
muktir māyā jagad avikalaṁ tāvakī devakī te
mātā mitraṁ bala-ripu-sutas tvayyato ‘nyanna jāne || 32 ||

kṛṣṇo rakṣatu no jagat-traya-guruḥ kṛṣṇaṁ namasyāmyahaṁ
kṛṣṇenāmara-śatravo vinihatāḥ kṛṣṇāya tubhyaṁ namaḥ |
kṛṣṇādeva samutthitaṁ jagad idaṁ kṛṣṇasya dāso’smyahaṁ
kṛṣṇe tiṣṭhati sarvam etad akhilaṁ he kṛṣṇa rakṣasva māṁ || 33 ||

tat tvaṁ prasīda bhagavan kuru mayy anāthe
viṣṇo kṛpāṁ parama-kāruṇikaḥ khila tvam |
saṁsāra-sāgara-nimagnam ananta dīnam
uddhartum arhasi hare puruṣottamo’si || 34 ||

namāmi nārāyaṇa-pāda-paṅkajaṁ́
karomi nārāyaṇa-pūjanaṁ sadā |
vadāmi nārāyaṇa-nāma nirmalaṁ
smarāmi nārāyaṇa-tattvam avyayam || 35 ||

śrī-nātha nārāyaṇa vāsudeva
śrī-kṛṣṇa bhakta-priya cakra-pāṇe |
śrī-padmanābhācyuta kaitabhāre
śrī-rāma padmākṣa hare murāre || 36 ||

ananta vaikuṇṭha mukunda kṛṣṇa
govinda dāmodara mādhaveti |
vaktuṁ samartho’pi na vakti kaścit
aho janānāṁ vyasanābhimukhyam || 37 ||

dhyāyanti ye viṣṇum anantam avyayam
hṛt-padma-madhye satataṁ vyavasthitam |
samāhitānāṁ satatābhaya-pradaṁ
te yānti siddhiṁ paramāṁ ca vaiṣṇavīm || 38 ||

kṣīra-sāgara-taraṅga-śīkarāsāra-
tārakita-cāru-mūrtaye |
bhogi-bhoga-śayanīya-śāyine
mādhavāya madhu-vidviṣe namaḥ || 39 ||

yasya priyau śruti-dharau kavi-loka-vīrau
mitre dvi-janma-vara-padma-śarāv abhūtām |
tenāmbujākṣa-caraṇāmbuja-ṣaṭ-padena
rājñā kṛtā kṛtir iyaṁ kulaśekhareṇa || 40 ||

 

 

2 – COMMENT LE CHANTER, LE JOUER À L’HARMONIUM ?

3 – VERSETS À RÉCITER TOUS LES MATINS

TÉLÉCHARGER LE FOND D’ÉCRAN POUR SMARTPHONE

4 – LES COMMENTAIRES DE PARAMAHAMSA VISHWANANDA

Paramahamsa Vishwananda a commenté le Mukunda Mala Stotram lors de la Navaratri 2020. Ses commentaires ont été traduits et retransmis par Swami Vijayananda : ils sont compilés dans une série en cours sur Youtube